150               TESTAMENTS ENREGISTRÉS AU PARLEMENT DE PARIS            (390)
de Nostre Dame d'argent doré, le meure des deux siens, pesant vint et un marcs ou environ.
Item, au convent des Cordeliers de Lens dix livres Tournois.
Item, il laissa à l'eglise parrochial de Saint Jaques de Valenciennes un ymage de saint Jaques d'argent doré, pesant vint marcs ou environ.
Item, il laissa à l'eglise parrochial de Saint Andry des Ars à Paris, dont il estoit parroissien, comme dit est, un ymage de saint Andry d'argent doré, le meilleur des deux siens, pour mettre sur l'autel aux lestes solenneles,_ pesant viut trois marcs ou environ.
Item, il laissa au curé d'icelle eglise vint livres Parisis, se celui qui l'est à present le est au temps de son decès, et se un autre l'estoit, dix livres Parisis.
Item, aux chappellains et clers d'icelle eglise cent solz Parisis, à dis­tribuer entre eulx par l'ordonnance du dit curé.
Item, il laissa au college de Champaigne, dit de Navarre, fondé à Paris, un tapiz de l'Istoire de Nostre Dame, pour tendre aux festes so­lenneles.
Item, il laissa à l'eglise parrochial de Fousiz une chasuble bonne et suffisante, une aube avec festoie et fanon et les appartenances, unes nappes d'autel, deux courtines pour mettre aux costez de l'autel, un petit ymage de Nostre Dame qui est de bois assez bien doré, que l'en a acoustumé de mettre, chascun jour sur l'autel de la chapelle de son hostel de Paris, un tableau ou quel sont pluseurs ymages, tant du Cru-cefix comme d'autres, de blanche painture, que l'en met tous, les jours sur ycelui autel.
Item, il laissa cent livres Tournois, pour convertir et emploier en l'achat d'aucunes rentes ou heritages qui seront au curé de la dicte eglise de Fousiz et à ses successeurs curez, qui seront tenuz de celebrer chas­cun an un obit pour le salut des ames de lui et de ses pere et mere le ^remier jour convenable après le dymenche que l'en chante Quasimodo, it demourront les deniers es mains de l'abbé de Saint Remi de Reins jui sera tenuz de querir et acheter de la terre ou rente.
Item, il laissa au curé d'icelle eglise de Fousiz, qui est de present,